Frederique Constant 一直都以: “貴氣” 及 “簡潔” 作為品牌風格, 所以 “Moonphase” 呢一類典雅設計於高級手錶品牌中不能不提起佢。
因為Frederique Constant於三十多年前就係靠 “月相錶” 起家, 可以話係品牌生存既 “命脈”。
香港少有作宣傳, 以致好多人都唔知道其實呢個牌子既功力及零售價一直均處於一個非常吸引既水平。
老實說, 如果單講呢一類斯文款既手錶, 3萬零售價樓下, 佢一定係首屈一指。
加上,佢係少有可以於瑞士其中一個可以自主研發機芯既品牌。
今次我地就一次過俾大家睇睇佢地其中兩款月相錶。
[ 自家機芯於同價位中非常難得 ]
第一款係: “3字位月相”、 “9字位日曆” , 約40mm 直徑。
整體佈局、比例簡潔而且清晰。錶殼流線型弧度令手錶睇落去十分纖薄。
用上自主研發Cal. FC-702機芯。呢個機芯主部件全經人手打磨、仲用埋 “燒藍鋼螺絲” 誠意十足。
第二款要介紹既就係: “6字位月相 + 日曆” 。
第一眼望上去, 跟 “Girard Perregaux” 或 Jaeger-LeCoultre非常近似。
呢三個牌子都係最善長出呢一個設計。但以定價來講, 比較 “易入口”當然係Frederique Constant。
最重要係, 以我覺得, Frederique Constant呢隻Cal. FC-705既機芯打磨質素, 已經拍得住Jaeger-LeCoultre。
“ 機芯 ”係一隻手錶既靈魂 。
好多客人成日問我關於不同手錶既問題, 我時常同客人講: “手錶最緊要係機芯 , 唔係名氣” 。
因為 “名氣”只係不停宣傳而得出嚟既結果, 而 “穩定” 及 “優質”先係手錶最緊要既一個指標。
“最少, 一隻好錶, 我可以戴到老。”
世界上有好多大眾唔知道既好品牌, 而且更價值不菲。要於大眾可以接受到既價位中, 搵到一個好品牌, 更難上加難。
Frederique Constant可以叫做到了。
コメント