[ 只須要順時針轉動錶殼外圈就可以直達您想要的時區 ]
對於成日要往返兩地工作既人士, 我相信一隻有兩地時間既手錶係好重要。
在外地時, 尤其時差超過10個鐘頭既地區, 每當想同香港朋友或與至親聯絡時, 最怕就係一剎那間唔記得香港係幾點, 跟手就要攞部電話出嚟睇睇。
而ORIS就做咗一隻超級易調較既 “Two Time Zone” 去俾有成日要周圍飛既客人, 只要望一望手錶就即刻睇到香港幾點。
[ Two Time Zone有別於 GMT ]
[ GMT ] – 格林威治時間, 通常大家都會即刻有一個印象就係: “多咗支針囉” XD ! 簡單講: GMT功能係用24小時顯示 , 常於錶面最外圈部份印有24小時刻度 , 再用一支長針直指住第二個時區 , 正常錶冠係可以俾大家調教呢支針去到第二個時區。
咁呢隻 ORIS - [ Two Time Zone ]又有乜分別呢?
呢隻叫得做: Two Time Zone當然唔係一般GMT。
呢隻錶既外圈暗藏可轉功能。
當轉動外圈時 , 大鐘就會以每小時跳一下去調較到您想要既時區, 非常破格。
而同時, 3字位小圈亦係一個時鐘, 永遠可以睇住香港時間, 太方便了。
同時, 此小圈時間內亦配置咗: 日/ 夜顯示功能, 夠哂貼心。
[ 三種不同錶帶可供選擇 ]
此錶款同有3種不同錶帶分別為: 尼龍軍錶帶、鋼帶以及鱷魚皮。
對於喜歡不同錶帶既人 , 可以有不同選擇。
Comments